կարևոր
4180 դիտում, 8 ամիս առաջ - 2023-09-24 15:40
Հասարակություն

Հայ ազգը մեկ բռունցք է դառնում, չի կոտրվելու ու չի նահանջելու. Սեյրան Օհանյան

Հայ ազգը մեկ բռունցք է դառնում, չի կոտրվելու ու չի նահանջելու. Սեյրան Օհանյան

Հայաստանի Հանրապետության ազգադավ իշխանության գործունեության արդյունքում Արցախում ստեղծված իրավիճակով պայմանավորված՝ հայ ազգը ոտքի է կանգնել իշխանափոխություն իրականացնելու պահանջով։ Այս մասին գրում է «Հայաստան» խմբակցության ղեկավար Սեյրան Օհանյանը:

«Ի պատասխան՝ Հայաստանում գործող օկուպացիոն ռեժիմը գործի է դրել բազմապիսի բռնաճնշումների մեխանիզմներ, այդ թվում` մարդկանց ապօրինի ձերբակալելով ու կալանավորելով:

«Հայաստան» խմբակցության պատգամավորները զօր ու գիշեր, բացի բողոքի ակցիաներին մասնակցելուց, ժողովրդի հետ առաջին շարքերում գտնվելուց եւ շատ դեպքերում հարվածներն իրենց վրա վերցնելուց, օպերատիվ կերպով այցելում են բոլոր ձերբակալված եւ կալանավորված անձանց` իրավիճակին տեղում ծանոթանալու, նրանց շահերը պաշտպանելու եւ ըստ անհրաժեշտության գործելու նպատակով:

Միաժամանակ ձեւավորվել է փաստաբանների եւ իրավապաշտպանների խումբ, ովքեր, իրենց մասնագիտության մեջ արհեստավարժ լինելով, նաեւ հայրենիքի, գաղափարի նվիրյալներ են եւ շտապ փաստաբանական օգնություն են ցուցաբերում ոստիկանության գործողությունների հետեւանքով տուժած քաղաքացիներին:

Արդեն իսկ հարյուրավոր քաղաքացիներ են դիմել Ազգային կոմիտեին եւ ստացել անհրաժեշտ իրավաբանական աջակցությունը ձեւավորված օպերատիվ խմբերի կատարած ահռելի աշխատանքի շնորհիվ:

Հայ ազգը մեկ բռունցք է դառնում, չի կոտրվելու ու չի նահանջելու:

Աստված պահապան բոլորին»,- նշել է Օհանյանը: