ԵՊՀ հայ բանասիրության ֆակուլտետն աջակցում է առաջնագծին

ԵՊՀ հայ բանասիրության ֆակուլտետի ուսանողները, ֆակուլտետի դեկանի, ամբոնի վարիչների, դասախոսական անձնակազմի աջակցությամբ շարունակում են առաջնագծի համար առաջին անհրաժեշտության ապրանքների հավաքման գործը (տաք հագուստ, ծածկոցներ, լապտերներ, դեղորայք, հիգենիայի պարագաներ և այլն)։

Արդեն պատրաստ է երկրորդ խմբաքանակը, որը շուտով կհասնի առաջնագծում կանգնած մեր զինվորներին։ Շնորհակալ ենք բոլոր այն դասախոսներին ու ուսանողներին, որոնք թե՛ ֆինանսական աջակցությամբ, թե՛ կամավորական աշխատանքներով նպաստեցին այս գործին։

Ուսանողներն արդեն սկսել են աշխատանքների երրորդ փուլը՝ հավաքում են գրքեր՝ վաճառելու նպատակով, ինչպես նաև թղթեր՝ մակուլատուրա հանձնելու համար։ Գոյացած ողջ գումարով գնվելու են առաջնագծի համար անհրաժեշտ պարագաներ։

Հաղթելու՛ ենք։

Իշխան Թովմասյան