Ֆրանսիան կուժեղացնի արմատականացման դեմ պայքարը ուսուցչի սպանության պատճառով

Ֆրանսիան արդեն իսկ ուժեղացրել է իր հակազդեցությունը երկրում արմատականացմանը ուսուցչի դաժան սպանությունից հետո և կշարունակի դա անել. ասել է նախագահ Էմանուել Մակրոնը:

«Մենք ուժեղացրել ենք արմատականացման դեմ պայքարի միջոցները ... Ահաբեկչությունից հետո ես արդեն ասել եմ, որ մտադիր ենք հետագա գործողություններն ուժեղացնել այս ուղղությամբ: Դա ակնկալում են մեր բոլոր համաքաղաքացիները: Այնպես որ՝ գործողությունները կխստանան»,- ասել է Մակրոնը՝ խոսելով Սեն Սեն Դենի դեպարտամենտում:

Նա նշել է, որ վերջին օրերին կոնկրետ գործողություններ են ձեռնարկվել արմատական իսլամի գաղափարները տարածող ասոցիացիաների՝ «Հանրապետության ոչնչացման գաղափարախոսության» դեմ: «Վաղը Նախարարների խորհուրդը լուծարելու է պաղեստինամետ Շեյխ Յասինի խումբը, որն անմիջական մասնակցություն է ունեցել ուսուցչի դաժան սպանության մեջ»,- հավելել է Մակրոնը: