ԱՄՆ-ն գաղտնի պատժամիջոցներ է կիրառում Թուրքիայի նկատմամբ. 2 տարի է դադարեցվել է զենքի վաճառքը

ԱՄՆ Կոնգրեսի 4 պաշտոնյաներ նշել են, որ ԱՄՆ-ն Անկարայի՝ Ս-400 ԶՀԿ-ների գնման պատճառով 2 տարով դադարեցրել է զնեքի վաճառքը. հայտնում է Euronews-ի թուրքական ծառայությունը։

Նմանատիպ տեղեկություն տարածվել է ամերիկյան հեղինակավոր Defensnews լրատվամիջոցի կողմից։

Նշվում է, որ կոնգրեսի 4 անդամներ, որոնց ստորագրությունն անհրաժեշտ էր զենքի վաճառքն իրականացնելու համար, հրաժարվել են ստորագրել Թուրքիայի կողմից ռուսական զինատեսակ գնելու պատճառով։

«Էրդողանի կողմից Ս-400-ների գնումը մեր հետ հարաբերությունների վրա բավականաչափ ազդել է։ Պուտինի շահերին նպաստող այս առևտուրը սպառնում է ՆԱՏՕ-յի դաշնակցային ամբողջականությանը», - նշել է Սենատի արտաքին հարաբերությունների հանձնաժողովի նախագահ Ջիմ Ռիշը։

Նշվում է, որ 2018 թվականից ցօրս Ռիշը և Ներկայացուցիչների պալատի պաշտոնակից Էլիոթ Էնգելը հրաժարվում են ստորագրել։