Չինաստանը քննադատել է ԱՄՆ-ին՝ իր պաշտոնյաների դեմ պատժամիջոցների համար

Չինաստանը խիստ քննադատել Միացյալ Նահանգներին՝ Սինցզյան-Ույղուրական ինքնավար շրջանի մասին օրենքի ընդունման կապակցությամբ, որը նախատեսում է Չինաստանի պաշտոնյաների դեմ պատժամիջոցներ կիրառել՝ Ույղուրներին ճնշելու համար. ասվում է ԱԳՆ-ի հաղորդագրության մեջ:

Ավելի վաղ հայտնի էր դարձել, որ ԱՄՆ նախագահ Դոնալդ Թրամփը ստորագրել է Չինաստանում Ույղուրների իրավունքների պաշտպանության մասին օրենք, որով նախատեսվում է պատժամիջոցների կիրառումը չինացի պաշտոնյաների նկատմամբ: ԱՄՆ-ն մեղադրում է ՉԺՀ-ին Սինցզյան-Ույղուր ինքնավար շրջանում ույղուրների և այլ մուսուլմանների նկատմամբ ոտնձգությունների համար. չինացի պաշտոնյաների դեմ պատժամիջոցներ սահմանող օրինագիծը անցյալ ամիս հաստատվել է ԱՄՆ Կոնգրեսի երկու պալատների կողմից:

«ԱՄՆ-ն ընդունել է այսպես կոչված «2020 թ. Ույղուրների իրավունքների նկատմամբ քաղաքականության մասին» օրինագիծը, որը միտումնավոր վարկաբեկում է Սինցզյան-Ույղուրական ինքնավար մարզում մարդու իրավունքների իրավիճակը, հարձակվում է Սինցզյանում Չինաստանի կառավարության քաղաքականությունների վրա՝ բացահայտ խախտելով միջազգային օրենսդրությունը և միջազգային հարաբերությունների հիմնարար նորմեր, այն դարձել է կոպիտ միջամտություն ՉԺՀ-ի ներքին գործերին», - ասվում է հայտարարության մեջ՝ շեշտելով, որ այդ խնդիրը բացառապես Չինաստանի ներքին գործն է։