Չինաստանը պատժամիջոցներ կկիրառի ԱՄՆ չորս պաշտոնյաների նկատմամբ

Չինաստանը Հոնկոնգի պատճառով պատժամիջոցներ կկիրառի ԱՄՆ չորս պաշտոնյաների նկատմամբ. երկուշաբթի ճեպազրույցում հայտարարել է Չինաստանի ԱԳՆ խոսնակ Հուա Չունին:

Ավելի վաղ հայտնի էր դարձել, որ ԱՄՆ-ը վերջերս պատժամիջոցներ է սահմանել Չինաստանի չորս պաշտոնյաների նկատմամբ`Հոնկոնգի խնդրի պատճառով:

«Միացյալ Նահանգների գործողությունները կոպիտ միջամտություն են Հոնկոնգի գործերին և Չինաստանի ներքին գործերին, ինչպես նաև՝ միջազգային իրավունքի և միջազգային հարաբերությունների հիմնական նորմերի լուրջ խախտում: Մենք խստորեն դատապարտում և դեմ ենք դրան», - ասել է դիվանագետը:

Նրա խոսքով՝ «ի պատասխան ԱՄՆ-ի սխալ գործողությունների՝ չինական կողմը որոշում է կայացրել պատժամիջոցներ կիրառել չորս անձանց նկատմամբ»:

Պատժամիջոցների ցուցակում գտնվող անձանց կարգելվի մուտք գործել մայրցամաքային Չինաստան, ինչպես նաև Հոնկոնգ և Մակաո: