Չինաստանը քննադատել է Ուկրաինային զենք մատակարարող երկրներին

Չի կարելի մի կողմից բղավել հրադադարի և պատերազմի ավարտի մասին, իսկ մյուս կողմից՝ շարունակաբար մատակարարել մեծ քանակությամբ արդիական սպառազինություն ու տեխնիկա՝ հրահրելով ռազմական գործողությունների հետագա սրացում. հայտարարել է Չինաստանի ԱԳՆ ղեկավար Վան Ին։

Նա նշել է, որ անվերջ միակողմանի պատժամիջոցները միայն սրում են հակասությունները։ Չինաստանի արտգործնախարարի խոսքով՝ ուկրաինական ճգնաժամի հիմնական պատճառը եվրոպական անվտանգության հավասարակշռության կորուստն է։

«Անհրաժեշտ է վերակառուցել հավասարակշռված, արդյունավետ և կայուն եվրոպական անվտանգության համակարգը՝ անբաժանելի անվտանգության սկզբունքին համապատասխան, միայն այս կերպ մենք իսկապես կարող ենք հասնել երկարաժամկետ կայունության և երկարաժամկետ կարգուկանոնի Եվրոպայում»,- ասել է Չինաստանի արտգործնախարարը։