Չինաստանը պատրաստվում է ԱՄՆ-ի դեմ պատասխան պատժամիջոցների

Չինաստանի իշխանությունները անհրաժեշտ միջոցներ կձեռնարկեն ԱՄՆ պաշտոնյաների դեմ՝ ի պատասխան պատժամիջոցների, որոնք վերջերս Վաշինգտոնը կիրառեց չինացի պաշտոնյաների նկատմամբ՝ կապված «Հոնկոնգյան ինքնավարության խախտման» հետ.  հայտարարել է Չինաստանի արտգործնախարարության խոսնակ Ժաո Լինցզյանը։

«Չինական կողմը որոշել է վիզային սահմանափակումներ կիրառել ԱՄՆ պաշտոնյաների համար, ովքեր անցանկալի գործողություններ են ձեռնարկել Հոնկոնգի հարցի վերաբերյալ», - ասել է նա՝ հերթական ճեպազրույցի ժամանակ:

Դիվանագետի խոսքով՝ Չինաստանի իշխանությունները չեն հանդուրժի այլ պետությունների միջամտությունը ՉԺՀ-ի ներքաղաքական հարցերին և հաստատակամորեն կհետևեն «մեկ երկիր՝ երկու համակարգ» սկզբունքին: «Ամերիկյան կողմի ջանքերը, որոնք փորձում են պատժամիջոցներ կիրառել Չինաստանի դեմ, դատապարտված են ձախողման», - ամփոփեց Լիցզյանը: