Թուրքիան թաքցնում է Հայոց ցեղասպանության վերաբերյալ փաստաթղթերը. Թաներ Աքչամ

Թուրք հայտնի պատմաբան Թաներ Աքչամը նշում է, որ թուրքական կառավարությունը թաքցնում է պատմական հեռագրերը, որոնց ուսումնասիրմամբ հնարավոր կլիներ տեղեկություններ տրամադրել Հայոց ցեղասպանության վերաբերյալ. այս մասին, ըստ Yerkir.am-ի, հայտնում է alarabiya.net կայքը:

Լրատվականին տված հարցազրույցում Աքչամը նշում է, որ այդ քաղաքականությունը շարունակվում է նաև մինչ օրս. «Թուրքական կառավարությունը գիտեր այդ հեռագրերի գոյության մասին՝ կապված ցեղասպանության հետ, որովհետև դրանք օգտագործվել են 1919 թ. ռազմական տրիբունալի ժամանակ: Այդ ռազմական տրիբունալների ժամանակ դատախազները կայացրել են մեղադրական եզրակացություններ և դատավճիռներ: Նրանք ցիտում էին այդ հեռագրերը», - նշում է Աքչամը:

Ըստ Աքչամի՝ այդ փաստաթղթերը գտել է ոչ թե մասնավոր, այլ պետական արխիվներում: «Թուրքիայում կան մարդիկ, ովքեր պայքարում են Հայոց ցեղասպանության ճանաչման համար: Դա քաղաքացիական իրավունքի թուրքական շարժման մի մասն է, նրաք պայքարում են մարդու իրավունքների և ժողովրդավարության համար», - եզրափակել է Աչքամը: