Վերջին ժամանակահատվածում սահմանադրացավ է առաջացել. Իվետա Տոնոյան

Դատական իշխանությունը իշխանության առանձին ճյուղ է, ու մեր վերաբերմունքը պետք է լինի համարժեք այդ իշխանությանը. այսօր խորհրդարանական ճեպազրույցների ժամին ասաց «Բարգավաճ Հայաստան» խմբակցության պատգամավոր, ԱԺ փոխխոսնակ Վահե Էնֆիաջյանը, որից լրագրողները հետաքրքրվել էին` ի՞նչ կարծիք ունի Սահմանադրականա դատարանի դատավոր ընտրված Վահե Գրիգորյանի «ՍԴ նախագահ լինելու» վերաբերյալ:

Հստակեցրեց` Սահմանադրական դատարանի հետ կապված պաշտոնական որևէ հրապարակման ծանոթ չէ, իսկ այն գործընթացները, որոնք տեղի են ունենում դատական իշխանության ներքո, պետք է տեսնել իրավական հարթությունում:

«Պետք է կարողանանք այդ կամքն ունենալ ու նախադրյալներ ստեղծել, որ իշխանության բոլոր ճյուղերը, մեկը մյուսին փոխզսպելով, իրենց գործունեությունը լիարժեք, տրամաբանված ու արդարացի իրականացնեն»,- նշեց նա:

Հարցին արձագանքեց նաև ԲՀԿ-ական պատգամավոր Իվետա Տոնոյանը: Ըստ նրա` այժմ «սահմանադրացավ» է առաջացել, ու տրամաբանական չէ, որ, ներքաղաքական ու արտաքին քաղաքական դաշտում բազմաթիվ չլուծված հարցրերի ֆոնին, Վահե Գրիգորյանի հայտարարությունը դառնում է քննարկման բուռն առարկա:

«Երբ Գրիգորյանի հայտարարությանը փորձում ենք բովանդակություն հաղորդել, ապա այսպիսի պատկեր ենք ունենում: Նախկինում հայտարարվում է ոչ լեգիտիմ նախագահի գոյության մասին, այնուհետև ոչ լեգիտիմ նախագահի կողմից առաջադրվում է ՍԴ անդամի թեկնածու ու ընտրվում է ՍԴ դատավոր, հետագայում էլ նման աշխարհացունց հայտարարությամբ է հանդես գալիս»,- ասաց Տոնոյանը: