Ֆրանսիական պատվիրակության ղեկավարը մահվան սպառնալիքներ է ստանում Հայոց ցեղասպանության թեմայի պատճառով

ՆԱՏՕ-ի Խորհրդարանական վեհաժողովի ֆրանսիական պատվիրակության ղեկավար Ֆիլիպ Ֆոլիոն օրերս Թուրքիայի Անթալիա քաղաքում տեղի ունեցած միջադեպի պատճառով մահվան սպառնալիքներ է ստանում. հաղորդում է ermenihaber.am կայքը:

Թուրքիայի Ազգային մեծ ժողովի նախագահի և ԱԳՆ ղեկավարի հայտարարություններից հետո, ըստ որոնց` նրանք Մակրոնի` Հայոց ցեղասպանության վերաբերյալ որոշումը որակեցին «պոպուլիստական», ֆրանսիացի մի քանի պատգամավորներ լքեցին ՆԱՏՕ-ի ԽՎ գագաթնաժողովի դահլիճը` ի նշան բողոքի:

Այս թեմայի վերաբերյալ Ֆոլիոն գրառում էր կատարել թվիթերյան իր էջում, որին ի պատասխան` թուրքերը մահվան սպառնալիքներ են հասցեագրել:

Բացի այդ` Թուրքիայի օդանավակայանում ֆրանսիական պատվիրակության անդամներին ճանաչած քաղաքացիները վիրավորական խոսքեր են ասել նրանց: