Ոմանք փորձում են ԱՄՆ-ին ճահիճ ներքաշել. Զարիֆը զգուշացրել է

Իրանի իսլամական հեղափոխության պահակազորին «օտարերկրյա ահաբեկչական կազմակերպություն» հայտարարելն աղետալի հետեւանքներ կարող է ունենալ տարածաշրջանում տեղակայված ԱՄՆ ԶՈւ ստորաբաժանումների համար. տեղեկացնում է ԻՌՆԱ-ն` հղում անելով Իրանի ԱԳ նախարար Մոհամմադ Ջավադ Զարիֆի թվիթերյան միկրոբլոգում արված գրառումը:

«Նրանք, ովքեր Նեթանյահուի շահերը գերադասում են սեփական երկրի շահերից եւ սադրում են Իրանի իսլամական հեղափոխության պահակազորին` «օտարերկրյա ահաբեկչական կազմակերպություն» հայտարարելով, քաջատեղյակ են, թե դա ինչ հետեւանքներ կարող է ունենալ տարածաշրջանում տեղակայված ԱՄՆ ԶՈՒ-ի ստորաբաժանումների համար: Իրականում, նրանք փորձում են ԱՄՆ-ին ճահիճ ներքաշել: ԱՄՆ նախագահ Դոնալդ Թրամփը պետք է հասկանա իրավիճակի լրջությունը, քանի դեռ ԱՄՆ-ն նոր աղետի դեմ հանդիման չի կանգնել»,- զգուշացրել է Իրանի արտաքին քաղաքական գերատեսչության ղեկավարը: