Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ադրբեջանական «Թուրան» լրատվական գործակալության խմբագիր Շահին Հաջիևն իր աշխատանքային թիմի հետ գտնվում է Հայաստանում, խմբագրի կողմից հավատարմագրվելու և ՀՀ-ում լրագրողական գործունեություն ծավալելու համար հայտ է ներկայացվել ԱԳՆ. լրագրողների հետ հանդիպման ժամանակ հայտնեց ԱԳՆ մամուլի խոսնակ Աննա Նաղդալյանը։
«Բոլոր ընթացակարգերն անցնելուց հետո նրա հայտը բավարարվել է: Իսկ այցը զուտ լրագրողական գործունեություն ծավալելուն էր ուղղված, և դա մեզ համար բնական գործընթաց է, քանի որ օրական տասնյակ երկրների լրագրողներ են դիմում ՀՀ ԱԳՆ հավատարմագրման համար: Մեր կողմից երբևէ որևէ խոչընդոտ չի ստեղծվում լրագրողների գործունեությունն ինչ-որ ձևով սահմանափակելու ուղղությամբ»,- ասաց Աննա Նաղդալյանը։
Հիշեցնենք, որ Հաջիևի այցին «Ֆեյսբուք»-ի իր էջում անդրադարձել էր նաև ՀՀ նախագահի խորհրդական Թևան Պողոսյանը։ «Հենց նոր հարցազրույց տվեցի ադրբեջանական «Թուրան» գործակալության լրագրող Շահին Հաջիևին, ով գտնվում է Երևանում: Հուսամ, որ ինչպես խոստացել է, խոսքերի ու մտքի աղավաղում չի լինի»,- գրել էր նա: