ՀԱՊԿ գլխավոր քարտուղարի պաշտոնը պետք է մնա Հայաստանին. Մնացականյան

ՀՀ ԱԳՆ ղեկավար Զոհրաբ Մնացականյանը հարցազրույց է տվել ռուսական ТАСС  լրատվական գործակալությանը, որում խոսել է նաև ՀԱՊԿ գլխավոր քարտուղարի հարցի մասին:

Լրագրողը  հիշեցրել է Աստանայում անցկացված ՀԱՊԿ գագաթաժողովից հետո Ղազախստանի նախագահ Նուրսուլթան Նազարբաևի հայտարարությունը, թե ՀԱՊԿ գլխավոր քատուղարի պաշտոնը, ռոտացիայի համաձայն, պետք է փոխանցվի Բելառուսին, իսկ ավելի ուշ հայտարարվեց, որ հարցը կքննարկվի դեկտեմբերի 6-ին Սանկտ Պետերբուրգում: Նա հետաքրքվել է`  արդյո՞ք դա նշանակում է, որ Հայաստանը զրկվել է  իր թեկնածուին առաջադրելու հնարավորությունից:

Զոհրաբ Մնացակլանյանը պատասխանել է.  «Եթե ի պատասխան կրկնեմ այն, ինչ ամբողջ ընթացքում պնդել է Հայաստանը, ապա կգանք այն եզրահանգման, որ գլխավոր քարտուղարի պաշտոնը պետք է մնա Հայաստանին, և դրա համար մենք ունենք լավ կադրային ներուժ: Այսինքն, պատասխանելով ձեր հարցին, կասեմ, որ, ո'չ, դա չի նշանակում»:

Նա հավելել է, որ ՀԱՊԿ կազմում կան 6 իրավահավասար անդամներ, և որոշումը պետք է կայացվի կոնսենսուսի միջոցով: