Միայն Գալուստ Սահակյան պետք է լինել` նման արտահայտություն անելու համար. Բագրատյան

Այսօր լրագրողները ԱԺ ՀԱԿ խմբակցության պատգամավոր, նախկին վարչապետ Հրանտ Բագրատյանից փորձեցին մեկնաբանություն ստանալ, թե արդյո՞ք ՄՄ-ին միանալուց հետո Հայաստանը կկորցնի իր տնտեսական ինքնուրույնությունը, քանի որ Գալուստ Սահակյանն ասել էր, թե չի կորցնի:

Հրանտ Բագրատյանը նշեց. «Միանշանակ կկորցնի: Միայն Գալուստ Սահակյան պետք է լինել` նման արտահայտություն անելու համար»:

Նա բացատրեց, որ Մաքսային միությունը ենթադրում է միասնական մաքսային քաղաքականություն, եւ ոչ թե Մաքսային միությունը պետք է հարմարվի Հայաստանի քաղաքականությանը, այլ Հայաստանը` Մաքսային միության: Դա ակնհայտ է անգամ անզեն աչքով: Ընդ որում, նշեց Բագրատյանը, Հայաստանը նաեւ Եվրամիության հետ ասոցացման պայմանագիր ստորագրելու դեպքում էլ կկորցներ իր տնտեսական սուվերենությունը: