Արցախի ՄԻՊ-ը խստորեն դատապարտում է Կաթողիկոսի հանդեպ ոտնձգության փաստը

Արցախի ՄԻՊ Ռուբեն Մելիքյանը իր ֆեյսբուքյան էջում անդրադարձել է Ն.Ս.Օ.Տ.Տ Գարեգին Բ-ի ազատ տեղաշարժման նկատմամբ որոշ քաղաքացիների ոտնձգության փաստին:

«Արցախի Հանրապետության քաղաքացիների բացարձակ մեծամասնությունը Հայ Առաքելական Եկեղեցու դավանորդ է։ Ուստի, Հայ Առաքելական Եկեղեցու նվիրապետի՝ Գարեգին Բ Ամենայն Հայոց Կաթողիկոսի նկատմամբ ոտնձգությունը վերաբերելի է նաև Արցախի Հանրապետության քաղաքացիների բացարձակ մեծամասնության խղճի ու դավանանքի ազատությանը։Խստորեն դատապարտում եմ ոտնձգության փաստը և ողջունում եմ Հայաստանի Հանրապետության մարդու իրավունքների պաշտպան Արման Թաթոյանի արագ ուհամարժեք արձագանքը»,-գրել է Մելիքյանը։