Հայաստանը Կաննի կինոփառատոնին կներկայացվի ոչ միայն ֆիլմարտադրությամբ, այլ նաև տուրիզմով. Արմեն Ամիրյան

Այս տարի Հայաստանը Կաննի կինոփառատոնին կներկայացվի ոչ միայն ֆիլմարտադրությամբ, այլ նաև տուրիզմով: Այս մասին լրագրողների հետ զրույցում ասաց ՀՀ մշակույթի նախարար Արմեն Ամիրյանը:  

Նրա խոսքով՝ ամեն ինչ արվելու է, որպեսզի Հայաստանը ներկայացվի որպես լավագույն ֆիլմարտադրության վայր: «Համագործակցում ենք համաշխարհային կինոկրթական դպրոցի հետ, և հնարավոր է՝ Հայաստանում կինոդպրոց բացվի, սակայն այս մասին մանրամասներն ավելի ուշ կներկայացնենք: Պետք է ասեմ նաև, որ 2017-ին Կաննում Հայաստանի ներկայացվածությունն արդյունավետ էր, մենք կարողացանք Հայաստանը ներկայացնել համաշխարհային կինոշուկայում և գործարար կապեր հաստատել: Այսինքն՝ Կաննին մեր մասնակցության արդյունքը շուտով ֆիլմարտադրության մեջ կերևա»,- ասաց Ամիրյանը:

Նախարարի գնահատմամբ՝ Կաննում Հայաստանի մասնակցությունը նոր հնարավորությունների առիթ է դառնում: