Գետափ-Մարտունի ճանապարհին 6 մեքենա ձյան մեջ են արգելափակվել

Հունվարի 19-ին, ժամը 19:38-ին տեղեկություն է ստացվել, որ Ռյա Թազա-Ապարան ավտոճանապարհի 13-րդ կմ-ին «ՎԱԶ-2106» մակնիշի ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն արգելափակումից դուրս են բերել «ՎԱԶ-2106» մակնիշի 35 LQ 413 պետհամարանիշով ավտոմեքենան:

Հունվարի 19-ին, ժամը 12:46-ին տեղեկություն է ստացվել, որ Գետափ-Մարտունի ավտոճանապարհին՝ «Քարավանատուն» կոչվող հատվածի մոտակայքում, ավտոմեքենաներն արգելափակվել են. անհրաժեշտ է փրկարարների օգնությունը:

Դեպքի վայր է մեկնել Մարզային ճգնաժամային կառավարման կենտրոնի օպերատիվ խումբը:

Պարզվել է, որ ավտոմեքենաներն արգելափակվել են Մ-10 ավտոճանապարհի Գետափ-Մարտունի հատվածի 35-րդ կմ-ի մոտակայքում. փրկարարներն արգելափակումից դուրս են բերել 6 մարդատար ավտոմեքենա (10 ուղևոր):

ԱԻՆ մամուլի ծառայություն