Հանձնարարական շինարարության ոլորտում վիճակագրական տվյալների վերաբերյալ

Կառավարության այսօրվա նիստում վարչապետ Կարեն Կարապետյանը հանձնարարական տվեց շինարարարության ոլորտում վիճակագրական տվյալների վերաբերյալ։ Վարչապետը նշեց, որ Քաղաքաշինության կոմիտեի ուսումնասիրություններից պարզ է դարձել, որ շինարարության ոլորտի վիճակագրական տվյալների հավաքագրման գործընթացում կան որոշակի խոչընդոտներ, որոնք նվազեցնում են վիճակագրական տվյալների լիարժեքությունը, հատկապես` մասնավոր կազմակերպությունների միջոցներով իրականացվող շինարարական ծավալների մասով:

«Շինարարության ոլորտում վիճակագրության ամբողջականության ապահովման և տվյալների հավաքագրման իրական վիճակի արձանագրման նպատակով հանձնարարում եմ տարածքային կառավարման և զարգացման նախարարին, Քաղաքաշինության կոմիտեին նախագահին և առաջարկում եմ Ազգային վիճակագրական ծառայությանը` երկշաբաթյա ժամկետում ամփոփել շինարարության ոլորտում առկա միտումներն ու զարգացումները և կառավարության աշխատակազմին ներկայացնել առաջարկություններ դրանց արձանագրման թերությունների վերաբերյալ»,- հավելեց կառավարության ղեկավարը: