Քաղաքական կլոունադա. Պեսկովը` Սահակաշվիլիի հետ կատարվածի մասին

Կրեմլում «քաղաքական կլոունադա» են անվանել Վրաստանի նախկին նախագահ, Օդեսայի նախկին նահանգապետ Միխեիլ Սահակաշվիլիի հետ կատարված վերջին դեպքերը. հայտնում է РИА Новости-ն:

«Գիտեք`Կրեմլի օրակարգում շատ լուրջ հարցեր կան, որոնց պետք է հետևել: Դա էլ մենք անում ենք: Չեմ կարծում, որ այդ հարցը (Սահակաշվիլիի) լուրջ հարցերի շարքից է: Դա ավելի շուտ կուրիոզային հարց է` քաղաքական կլոունադայի շարքից»,- հայտարարել է ՌԴ նախագահի մամուլի քարտուղար Դմիտրի Պեսկովը` պատասխանելով հարցին`հետևո՞ւմ են, արդյոք, Սահակաշվիլիի հետ կատարվածին:

Ավելի վաղ հայտնել էինք, որ առանց թույլտվության Ուկրաինա վերադարձած Սահակաշվիլիի դեմ քրեական գործ է հարուցվել: