Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 7 տարի առաջ - 2017-05-20 10:38
Աշխարհ

«Հայհոյեցին մորս...». Էրդողանի թիկնապահների կողմից դաժան ծեծի ենթարկված 61-ամյա տղամարդը պատմել է կատարվածի մասին

Թուրքիայի նախագահ Ռեջեփ Թայիփ Էրդողանի՝ ԱՄՆ այցի ընթացում նրա կողմնակիցներն ու թիկնապահները հարձակվել և դաժան ծեծի էին ենթարկել մի խումբ հայերի, հույների, եզդիների և քրդերի, որոնք խաղաղ ցույց էին իրականացնում Վաշինգտոնում Թուրքիայի դեսպանի կեցավայրի մոտ: Հարձակման հետևանքով 9 մարդ տարբեր վնասվածքներով տեղափոխվել էր հիվանդանոց, ըստ որոշ տեղեկությունների՝ 2 հոգի ձերբակալվել էր:

Հարձակման ենթարկված 61-ամյա ցուցարար Սեյիդ Ռըզա Դերսիմին, ով 1992-ից ի վեր ԱՄՆ քաղաքացի է, The Guardian-ի հետ զրույցում պատմել է դեպքի մասին: Դեմքի հատվածում ստացած հարվածի հետևանքով ատամը կորցրած տղամարդը անընդունելի է համարել հարձակումը՝ նշելով, որ այդ ամենն իրականացվել է Էրդողանի թիկնապահների կողմից:

«Կոստյումով տղամարդիկ մոտեցան և սկսեցին հայհոյել մորս: Ես տեսա այն պահը, երբ նրանք բռնեցին մի կնոջ վզից և հարվածեցին դեմքին: Մոտեցա՝ օգնելու, բայց չորս հոգի նետվեց ինձ վրա և սկսեց ոտքով հարվածել դեմքիս: Չկարողացա գետնից վեր կենալ: Փորձեցի ձեռքերովս ծածկել գլուխս: Չհասկացա՝ որքան հարվածեցին, ու երբ ոտքի կանգնեցի, արյուն էր հոսում»,-պատմել է տուժածը:

Հարձակումից հետո հիվանդանոց տեղափոխված Դերսիմիի քիթը կարել են: Նրա մոտ գանգուղեղի վնասվածք  է ախտորոշվել:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը