Փոխարժեքներ 25 11 2024
USD	⚊	$ 389.76
EUR	⚊	€ 406.4
RUB	⚊	₽ 3.79
GBP	⚊	£ 488.37
GEL	⚊	₾ 142.31

կարևոր

Վրաստանի ԱԳ նախարար կդառնա Մակա Բոչորիշվիլին
8 րոպե առաջ Տարածաշրջան
ՌԴ-ն ակնկալում է Հայաստանի հետ 14-16 մլրդ դոլարի ապրանքաշրջանառություն ունենալ. Սերգեյ Կոպիրկին
15 րոպե առաջ Տնտեսական
Արցախի ժողովրդի գումարները ՀՀ իշխանությունը խլել է․ Արթուր Խաչատրյան
22 րոպե առաջ Հասարակություն
Երկրի տեղեկատվական անվտանգության համար պատասխանատու ՊՈԱԿ-ը զբաղված է ներքաղաքական հարցերով. Գեղամ Մանուկյան
41 րոպե առաջ Քաղաքական
Հայաստանում ներդրումները ի՞նչ բաշխում ունեն. թվերի հետ կապված խնդիր կա. Խաչատրյանը` Նուրբեկյանին
48 րոպե առաջ Հասարակություն
Ռուս-հայկական դաշնակցային համագործակցությանը համեմատելի իրական այլընտրանքներ չկան, այդ թվում՝ ՀԱՊԿ-ի շրջանակներում․ Կոպիրկին
1 ժամ առաջ Քաղաքական
Ժամանակն արագացել է, ցայտնոտն ավելի քան տեսանելի է. Լիլիթ Գալստյան
1 օր առաջ Հասարակություն
Խաչատուր Սուքիասյան, քարտիդ համարն ասա՝ 45․000 դրամ փոխանցեմ. Լիա Սարգսյան
1 օր առաջ Հասարակություն
Ժողովուրդը ՔՊ-ական իշխանությունից սոցիալական արդարություն չպետք է սպասի․ Մհեր Մելքոնյան
1 օր առաջ Հասարակություն
Զաքիր Հասանովը սահմանին զորքերի մարտունակության բարձրացման ցուցում է տվել
1 օր առաջ Տարածաշրջան

0 դիտում,

7 տարի առաջ - 2017-08-03 20:36

Հասարակություն

Վաղը ձեզ հետ միասին պետք է կառուցենք աղետակայուն Հայաստան․ ԱԻ նախարար

Օգոստոսի 3-ին ՀՀ ԱԻ նախարարությունը հյուրընկալեց «Զարթոնք» քաղաքացիական կենտրոնի սաներին: Այցի հիմնական նպատակն էր նախարարության կառուցվածքին և գործունեությանը ծանոթանալը, ինչպես նաև՝ արտակարգ իրավիճակների ոլորտում գործնական և տեսական գիտելիքների ձեռքբերումը:

Ճանաչողական այցի շրջանակում կենտրոնի սաները եղան նորագույն սարքավորումներով և գույքով հագեցած ՀՀ ԱԻՆ աղետների բժշկության կենտրոնում, որտեղ առաջին բուժօգնության ուսուցողական դասից հետո այցելեցին նաև ՀՀ ԱԻՆ Ճգնաժամային կառավարման ազգային կենտրոն: ՃԿԱԿ պետի տեղակալ, փ/ծ փոխգնդապետ Ա. Մկրտչյանը սաներին ներկայացրեց կենտրոնի գործունեությունը, կառուցվածքը, ազդարարման, արձագանքման և մշտադիտարկման հնարավորություններն ու «911» ծառայության առաքելությունը:

Շրջայցի շրջանակում քաղաքացիական կենտրոնի սաները հանդիպեցին ՀՀ ԱԻ նախարար Դավիթ Տոնոյանի հետ: Ողջունելով երիտասարդներին նախարարը նշեց.

-Շատ ողջունելի է արտակարգ իրավիճակների ոլորտում գիտելիքները հարստացնելու Ձեր ցանկությունն ու պատրաստակամությունը: Անշուշտ, այս այցն իր նպատակին կծառայի, ինչպես նաև՝ օգտակար կլինի մասնագիտական կողմնորոշման հարցում: Վաղը հենց Ձեզ հետ միասին պետք է կառուցենք աղետակայուն Հայաստան, - նշեց նախարարը:

Նախարար Դավիթ Տոնոյանի հետ հանդիպման ընթացքում կենտրոնի սաներն ուղղեցին հարցեր՝ քաղպաշտպանության, հանրային իրազեկման, սեյսմակայուն շինարարության, ՀՀ ԱԻՆ միջազգային համագործակցության և նույնիսկ փրկարարների վարձատրության վերաբերյալ, որոնց նախարարը սպառիչ պատասխաններ տվեց: Սաներից մեկի այն հարցին, թե ինչպես կարող են ինքը և իր ընկերներն օգնել ՀՀ ԱԻ նախարարությանը, նախարար Տոնոյանը պատասխանեց. «Հանրության համար խնդիրներ չստեղծելով և Ձեր քաղաքացիական գիտակցության բարձրացմամբ ու ինքնակրթությամբ»:

Հանդիպման ավարտին «Զարթոնք» քաղաքացիական կենտրոնի տնօրեն Վահան Վարդանյանը, շնորհակալություն հայտնելով ջերմ և ուսուցողական ընդունելության համար, նշեց, որ մեր քաղաքացիներն ապահով ձեռքերում են և հույս հայտնեց, որ «Զարթոնքի» կենտրոնն էլի հնարավորություն կունենա համագործակցել ԱԻ նախարարության հետ: