Շարունակվում է երկհերթ, առանձին հատվածներում նաև եռահերթ ոռոգումը

Օդերևութաբանական կանխատեսումների համաձայն առաջիկա օրերին տապը մայրաքաղաքում կշարունակվի: Ըստ այդմ, շոգ եղանակով պայմանավորված՝ մայրաքաղաքի ընդհանուր օգտագործման կանաչ տարածքներում շարունակվում է երկհերթ, առանձին դեպքերում նաև եռահերթ ոռոգումը: Շենգավիթ, Ավան և Նոր Նորք, Աջափնյակ և Կենտրոն վարչական շրջանների որոշ հատվածներում գործընթացն ապահովվում է նաև խորքային հորերից մղվող ջրով: 

Միաժամանակ ՀՀ ԱԻՆ տվյալներով մայրաքաղաքում դեռևս առկա է հրդեհավտանգ իրավիճակ, որից ելնելով կտրականապես արգելվում է չոր խոտն այրելը: Զուգահեռաբար, մայրաքաղաքի վարչական շրջաններում շարունակվում է խոտհունձը: Խոտհունձն արագացնելու անհրաժեշտության մասին իրազեկվել են նաև համապատասխան տարածքների, այգիների ու պուրակների սեփականատերերը, վարձակալները: