ԵԱՏՄ անդամակցությունն ավելի մեծ արդյունք տվեց, քան եվրոասոցացումը. Վաչե Գաբրիելյան

ԵԱՏՄ անդամակցությունն ավելի մեծ արդյունք տվեց, քան եվրոասոցացումը. լրագրողների հետ զրույցում ասաց ՀՀ փոխվարչապետ, ՀՀ միջազգային տնտեսական ինտեգրման և բարեփոխումների նախարար Վաչե Գաբրիելյանը:

«Մենք գնահատել ենք եվրոասոցացման անցած երկրները՝ Վրաստանն ու Մոլդովան. ԵԱՏՄ-ն ավելի մեծ արդյունք տվեց, բայց, միևնույն է, ՌԴ ազդեցությունը տարածաշրջանի երկրների վրա մեծ է, և ԵԱՏՄ-ին միանալը մեծ արդյունք տվեց»,- նշեց նա:

Փոխվարչապետի խոսքով`մինչև ԵԱՏՄ անդամակցությունը ևս ՀՀ-ն ՌԴ-ի հետ առևտուր անում էր, մինչդեռ անդամակցությունից հետո որոշ առավելություններ տրվեցին: «Հիմա Մաքսային միության մեջ ենք, ինչի հետևանքով մաքսային ձևակերպումները թեթևացել են, մաքսատուրքը նվազել է: Համաշխարհային բանկն ասում է, որ գործարարությամբ զբաղվելու համար մենք առևտրային պայմանների բարելավում ենք ունեցել, որը մաքսային պայմանների բարելավման հետ է կապված», - հավելեց Վաչե Գաբրիելյանը: