Բաբլոյանը հուշեց, թե որտեղ պետք է դրվի «ծիտիկը»

Շարունակվում է  6-րդ գումարման ԱԺ-ի անդրանիկ նստաշրջանը: ԱԺ նորեկ պատգամավորներին բացատրեցին գրանցվելու կարգը, գրանցումը երկու անգամ արվեց: ԱԺ նորընտիր նախագահ Արա Բաբլոյանը գրանցման կարգին ծանոթացրեց այն պատգամավորներին, ովքեր առաջին անգամ էին մանդատ ստացել:

«Առաջընթաց ունենք` 89 պատգամավոր է գրացվել, սկսում ենք աշխատանքը»,- երկորդ անգամ գրանցումից հետո հայտարարեց ԱԺ նախագահը:

Վարման կարգով խոսեց «Ելք» խմբակցության ղեկավար Նիկոլ Փաշինյանը: Նա հիշեցրեց, որ քիչ հետո ԱԺ փոխնախագահի պաշտոնին առաջադրված 3 թեկնածուների փակ քվեարկություն կլինի, նաև դժգոհեց երեկվա քվեարկությունից` պահանջելով հստակ բացատել կարգը:

Ընտրության կարգը բացատեց ԱԺ հաշվիչ հանձնաժողովի նախագահ Գագիկ Մելիքյանը: Հետո արդեն ավելի մանրամասն բացատրեց ԱԺ նախագահ Բաբլոյանը՝ բացատրելով, թե «ծիտիկը» որտեղ պետք է դրվի:

Այժմ պատգամավորներն ընտրում են ԱԺ փոխնախագահներին:

Հիշեցնենք՝ թեկնածուները երեքն են՝ Հանրապետական կուսակցությունից Արփինե Հովհաննիսյանը և Էդուարդ Շարմազանովը, «Ծառուկյան» դաշինքից` Միքայել Մելքումյանը: