Ամենահարմար թեկնածուն գործող քաղաքապետ Տարոն Մարգարյանն է. Գագիկ Մինասյան

Այսօր լրագրողների հետ զրույցում ԱԺ ՀՀԿ խմբակցության պատգամավոր Գագիկ Մինասյանն անդրադարձավ առաջիկա` Երևանի ավագանու ընտրություններին: Հարցին, թե արդյո՞ք հստակ է` ով է լինելու ՀՀԿ-ի թեկնածուն, որովհետև որոշ ՀՀԿ-ականներ մասնավոր կարծիք են հայտնում, որ թեկնածուն գործող քաղաքապետ Տարոն Մարգարյանն է, նա պատասխանեց. «Վաղը ՀՀԿ ԳՄ նիստ կլինի: Ենթադրում եմ, որ այդ նիստում կորոշվի թեկնածուն: Իմ անձնական տեսակետը կարող եմ հայտնել. այն անուրանալի աշխատանքը, որը կատարվել է վերջին տարիների ընթացքում մեր մայրաքաղաքում, ինձ բերում է այն անառարկելի կարծիքին, որ ամենահարմար թեկնածուն գործող քաղաքապետ Տարոն Մարգարյանն է»: