Էրդողանն անձամբ կանցկացնի սահմանադրական փոփոխությունների վերաբերյալ հանրաքվեի քարոզչությունը

Թուրքիայում քաղաքական բոլոր կուսակցություններից յուրաքանչյուրին հնարավորություն կտրվի դեմ կամ կողմ քարոզչություն իրականացնելու սահմանադրական փոփոխությունների հանրաքվեի վերաբերյալ:

Ըստ Demokrathaber-ի՝ ընդդիմադիր Ժողովրդահանրապետական, «Ազգայնական շարժում» և քրդամետ Ժողովուրդների հանրապետական կուսակցություններին հնարավորություն կտրվի հանդես գալու երկուական 10 րոպեանոց ելույթներով, մինչդեռ իշխող «Արդարություն և զարգացում» կուսակցության քարոզչությունը կիրականացնի Էրդողանը: 

Նշվում է, որ քարոզչություններից երկուսը կիրականացնի անձամբ Էրդողանը:

Այսպիսով` հանրաքվեի քարոզչության շրջանակներում կառավարությունը կունենա 30 րոպեանոց և կուսակցության անունից` Էրդողանի գլխավորությամբ, 20 րոպեանոց ելույթի իրավունք, իսկ մյուս կուսակցությունները՝ քսանական րոպեանոց:

Բնականավար, սահմանադրական փոփոխություններին «կողմ» քարոզչություն իրականացնողները կխոսեն 60, իսկ «դեմ» քարոզչություն իրականացնողները՝ 20 րոպե: