Այսօր Դանիայի խորհրդարանում կքննարկվի Հայոց ցեղասպանության ճանաչման բանաձևը

Այսօր Դանիայի խորհրդարանում կքննարկվի Հայոց ցեղասպանության ընդունման վերաբերյալ բանաձևը:

«Հայերն այսօր»-ը տեղեկացնում է, որ  բանաձևը խորհրդարանի օրակարգ է բերվել Enhedslisten, Alternativet կուսակցությունների կողմից, հեղինակներն են Նիկոլայ Վիլլումսենը եւ Ռասմուս Նորդքվիստը:

Դանիայի թուրքական կազմակերպությունները լայնամասշտաբ արշավ են սկսել այս նախաձեռնությունը տապալելու նպատակով: Հիմնական թիրախներն են խորհրդարանի այն անդամները, որոնք պայքարում եմ Ցեղասպանության ճանաչման համար: Սակայն դանիացի քաղաքական գործիչները նշում են, որ ժամանակն է, որ Դանիան դուրս գա Թուրքիայի ազդեցության տակից:

Գյուլլինք քաղաքի թանգարանի ղեկավար Մոնս Հոյմարկի դիտարկմամբ` պատմաբաններն արդեն տվել են իրանց գնահատականը` տեղի ունեցածն անվանելով Ցեղասպանություն, հիմա հերթը քաղաքական գործիչներինն է:

Գյուլլինք քաղաքի  թանգարանում են պահվում դանիացի միսիոներ Քարեն Եփփեի կողմից հանձնված մի քանի տասնյակ նմուշներ, որոնք Ցեղասպանությունը փաստող անհերքելի ապացույցներ են: