Վարչապետը հանձնարարեց ուսումնասիրել դպրոցների շենքային պայմանները

Այսօր կառավարության նիստում վարչապետ Կարեն Կարապետյանը մի քանի հանձնարարականներ տվեց, որոնցից մեկը վերաբերում էր Շիրակի մարզի Արթիկ քաղաքի թիվ 7 միջնակարգ դպրոցի անմխիթար վիճակին: Նրա խոսքով՝ Արթիկում հնարավորություն կա օպտիմալացնելու, նորմալ պայմաներ ստեղծելու: Թերբեռնված են դպրոցները, կա դպրոց, որի պայմանները վատ են:

Վարչապետը հանձնարարեց ՀՀ կրթության եւ գիտության նախարար Լեւոն Մկրտչյանին, տարածքային կառավարման եւ զարգացման նախարար Դավիթ Լոքյանին եւ Երեւանի քաղաքապետ Տարոն Մարգարյանին` ուսումնասիրել քաղաքային դպրոցների շենքային պայմաններն ու երկշաբաթյա ժամկետում ներկայացնել առաջարկություններ, որպեսզի կարողանան երեխաների կրթական պրոցեսը կազմակերպել նորմալ պայմաններում: