Վարչապետը հանձնարարեց գլխավոր դատախազին` ընդունել սևազգեստ մայրերին

Այսօր` կառավարության նիստից առաջ, վարչապետ Կարեն Կարապետյանը հանձնարարական տվեց գլխավոր դատախազին: «Կխնդրեի գլխավոր դատախազին` ուշադրություն դարձնել այս հարցին, որովհետև դիմել են ինձ և աշխատակազմին խաղաղ պայմաններում զոհված զինծառայողների ծնողները: Նրանք խնդրել են, որ գլխավոր դատախազն ընդունելություն կազմակերպի և ընդունի իրենց: Նշված մոտեցումն արդարացված է այնքանով, որ ծնողների կողմից բարձրացված խնդիրները վերաբերում են կոնկրետ քրեական գործերի, որոնց մասով հսկողությունն իրականացնում է ՀՀ դատախազությունը»,- ասաց վարչապետը՝ հավելելով, որ դատախազին կարող է փոխանցել այն գրությունը, որում նշված են այդ ծնողների հեռախոսահամարները: