Այսօր ռեկորդ խփելու հնարավորություն ունեինք. Կարեն Կարապետյան

Այսօր` կառավարության նիստի վերջում, ՀՀ վարչապետ Կարեն Կարապետյանը գոհունակությամբ հայտարարեց. «Այսօր ռեկորդ խփեցինք` հա'մ հասցրեցինք հայտարարություն անել, հա'մ օրակարգը հասցրեցինք, և նիստը կարճ տևեց, եթե չլիներ Արփինե Հովհաննիսյանի երկար զեկույցը»:

Նշենք, որ Կարեն Կարապետյանը դեմ է երկար ու ձանձրալի զեկույցներին: Նա ամեն ինչ արել է, որ կառավարության նիստերը կարճ տևեն, զեկույցները հակիրճ լինեն: Իսկ Արփինե Հովհաննիսյանի զեկույցը շատ երկար տևեց:

Երբ հերթական անգամ կառավարության աշխատակազմի ղեկավար-նախարար Դավիթ Հարությունյանը նշեց, որ ասելու բան ունի` օրակարգի ինչ-որ հարցի հետ կապված, Կարեն Կարապետյանն արձագանքեց. «Պարո'ն Հարությունյան, դա մասնագիտական քննարկում է, եթե ասելու բան ունեք, պարոն Թովմասյանի հետ առանձին նստեք, խոսեք, առանց էդ էլ, երբևէ եղած` երկար զեկույց ունեցանք»: