Նախագիծը չի հետապնդում արդար նպատակ, եթե դիտարկվում են ապագա դեպքերը. Զարուհի Փոստանջյան

ԱԺ «Ժառանգություն» խմբակցության պատգամավոր Զարուհի Փոստանջյանն այսօր խորհրդարանական ճեպազրույցի ընթացքում, ամփոփելով շաբաթվա կարևորագույն իրադարձությունները, նշեց, որ ամենակարևորը կառավարության կողմից ներկայացրած «Զոհված կամ հաշմանդամ դարձած զինծառայողների ընտանիքներին հատուցում տալու օրենսդրական փաթեթ»-ի քննարկումն ու քվերակությունն էր:

Փոստանջյանը կրկին շեշտեց, որ այս նախագծի բովանդակությանը դեմ է, ապա հիշեց, որ քննարկման ընթացքում շատ էին դեմ արտահայտվողները, բայց այդ դեմ արտահայտվողները կողմ քվեարկեցին նախագծին: Պատգամավորն իր մտահոգությունը հայտնեց նախագծի որոշ դրույթների հետ կապված. «Անհասկանալի է, երբ օրինակ թշնամու գնդակից չեն զոհվել, չեն կարողանալու օգտվել հիմնադրամի միջոցներից»,-ասաց Փոստանջյանը՝ ապա հավելեց, որ այս նախագիծը չի հետապնդում արդար նպատակ, եթե դիտարկվում են ապագա դեպքերը: