Եկեք` առյուծի նման դուրս գանք բորենիների դեմ. Զարուհի Փոստանջյան

ԱԺ հայտարարությունների ժամին «Ժառանգություն» խմբակցության ղեկավար Զարուհի Փոստանջյանն անդրադարձավ այսօր Բաղրամյան 26-ի դիմաց նստացույց հայտարարած Աշոտ Խուդոյանին, ով, որպես բողոքի նշան, կարելի է բերանը: Պատգամավորը նշեց, որ այսօր Աշոտ Խուդոյանի հանդեպ չորս ոստիկաններ ուժ են կիրառել` նրան տեղափոխելով Էջմիածնի հիվանդանոցներից մեկը: Աշոտ Խուդոյանի կինը` Հեղինե Մակարյանը, պատգամավորի հետ զրույցում իր զայրույթն է հայտնել` նշելով, որ իր ամուսնուն տարել են հոգեբուժարան, բայց դեռ չգիտի` որ:

Զարուհի Փոստանջյանը նշեց, որ վերջին շրջանում բողոքի ակցիաներ անցկացնող մարդկանց նկատմամբ ոստիկանական ուժի ոչ համաչափ կիրառումը դառնում է համատարած երևույթ: Պատգամավորի խոսքով` դա հիմա հեշտ է հաջողվում ոստիկանությանը, որովհետև դիմադրության օջախները ցրված են:

«Բողոքող քաղաքացիները հայտարարում են, որ իրենք առյուծներ են, որոնք դուրս են եկել բորենիների դեմ: Եկեք` առյուծի նման դուրս գանք բորենիների դեմ»,- կոչ արեց Զարուհի Փոստանջյանը: