Գուժ Թադևոսյանի «Եվ կրկեսը ժամանեց…» ֆիլմը մրցանակով է վերադարձել Բիշքեկից

Հոկտեմբերի 28-31-ը Ղրղզստանի Բիշքեկ մայրաքաղաքում կայացել է ԱՊՀ երկրների երիտասարդ կինոյի «Հույս» կինոֆորումը: 

ՀՀ մշակույթի նախարարության աջակցությամբ` Հայաստանից ֆորումին մասնակցել է երիտասարդ ռեժիսոր Գուժ Թադևոսյանն իր «Եվ կրկեսը ժամանեց…» կարճամետրաժ խաղարկային կինոնկարով: «Հույս» կինոֆորումի միջազգային ժյուրիի կողմից ռեժիսորի ֆիլմն արժանացել է «Լավագույն խաղարակային ֆիլմ» մրցանակին: «Եվ կրկեսը ժամանեց…» ֆիլմի երկու ցուցադրություններն էլ անցել են լեփ-լեցուն դահլիճներում և արժանացել հանդիսատեսի բարձր գնահատականին ու ջերմ ընդունելությանը:

Նշենք, որ ՀՀ մշակույթի նախարարության աջակցությամբ նկարահանված «Եվ կրկեսը ժամանեց…» կինոնկարը հաջողությամբ մասնակցել է մի շարք միջազգային հեղինակավոր կինոփառատոների` արժանանալով ավելի քան 20 մրցանակի: