Խելքս չի կտրում. Մանվել Գրիգորյանը՝ Սեյրան Օհանյանի՝ քաղաքականությամբ զբաղվելու մասին

«Խելքս չի կտրում»,- լրագրողների հետ զրույցում այսպես արձագանքեց Սեյրան Օհանյանի՝ քաղաքականություն վերադառնալու մասին հարցին գեներալ, պատգամավոր Մանվել Գրիգորյանը: Ըստ նրա` եթե Սեյրան Օհանյանը ցանկություն ունենար զբաղվելու ակտիվ քաղաքականությամբ, ապա կզբաղվեր նախորդ տարիների ընթացքում:

Գրիգորյանը չի կարծում, որ Օհանյանը ձգտում է որեւէ պաշտոնի: «Օհանյանը ոտի բութ մատից մինչեւ մազեր զինվորական է: Իրա արյունը, իրա միսը տվել է մեր պետությանը»,- հայտարարեց նա եւ հավելեց, որ պաշտոնանկությունից հետո Օհանյանին տարբեր աշխատանքային առաջարկություններ են արվել, բայց «դե թող մի երկու տարի էլ հանգստանա»: