Հայաստանի հավաքականն այսօր մարզում կանցկացնի Վարշավայում

Հոկտեմբերի 11-ին՝ Երևանի ժամանակով 22։45-ին, Լեհաստանի մայրաքաղաք Վարշավայի «Ազգային» մարզադաշտում տեղի կունենա Աշխարհի 2018 թ․ առաջնության ընտրական փուլի Լեհաստան-Հայաստան հանդիպումը։

Հայաստանի ազգային հավաքականը և ՀՖՖ ֆուտբոլային պատվիրակությունը Լեհաստան կմեկնեն հոկտեմբերի 10-ի առավոտյան՝ Երևան-Վարշավա չարտերային ուղերթով։ Մեր թիմը կհանգրվանի «Մարիոթ Վարշավա Հոթել» հյուրանոցում։ Հոկտեմբերի 10-ին՝ Երևանի ժամանակով 19։30-ին (տեղական ժամանակով՝ 17։30), Վարշավայի «Ազգային» մարզադաշտի մամուլի ասուլիսների սրահում տեղի կունենա Հայաստանի ազգային հավաքականի գլխավոր մարզիչ Վարուժան Սուքիասյանի մամուլի ասուլիսը։ Հոկտեմբերի 10-ին՝ Երևանի ժամանակով 20։00-ին (տեղական ժամանակով՝ 18։00-ին), Վարշավայի «Ազգային» մարզադաշտում տեղի կունենա Հայաստանի ազգային հավաքականի նախախաղային մարզումը, որի առաջին 15 րոպեները բաց կլինեն մեդիայի հավատարմագրված ներկայացուցիչների համար։

Yerkir.am-ը Վարշավայից կլուսաբանի Լեհաստան-Հայաստան հանդիպումը: