ՌԴ դեսպանը լրագրողներին խնդրել է փաստաթղթեր մատնացույց անել, ըստ որոնց` ՌԴ-ն զենք է վաճառում Ադրբեջանին

Այսօր Հաղթանակի զբոսայգում էր Հայաստանում Ռուսաստանի դեսպան Վոլինկինը: Լրագրողները նրան հարցրեցին Ռուսաստանի կողմից Հայաստանին մատակարարվող զենքի ուշացման մասին, սակայն դեսպանը խուսափեց հարցերին պատասխանելուց` պատճառաբանելով, որ այսօր նման հարցերի օրը չէ` տոնական օր է:

Լրագրողների պնդմանը, որ ներկա պահին պատերազմ է ընթանում, մինչդեռ Ռուսաստանը շարունակում է զենք մատակարարել Ադրբեջանին, դեսպանն արձագանքեց, թե կա՞ն, արդյոք, դա ապացուցող փաստաթղթեր, ապա ասաց, որ Ռուսաստանը զենք է վաճառում նաև Հայաստանին:

Վոլինկինին ուղեկցող` դեսպանատան պաշտոնյան խնդրեց անջատել տեսախցիկներն ու ձայնագրիչները և ասաց, որ քանի դեռ Հայաստանը չի ճանաչել ԼՂ անկախությունը, ոչ մի ռուսական զենք Արցախ չի կարող գնալ: