Պարույր Հայրիկյանը մատնացույց արեց իր վրա կրակողին

Կենտրոն և Նորք-Մարաշ ընդհանուր իրավասության դատարանում ԱԻՄ առաջնորդ Պարույր Հայրիկյանի դեմ մահափորձի գործով ցուցմունք տվեց տուժողը` Հայրիկյանը:

Նա, մատնացույց անելով ամբաստանյալ Խաչատուր Պողոսյանին, հայտարարեց, որ նա է կրակել իր վրա: ԱԻՄ առաջնորդը մանրամասն նկարագրեց դեպքը եւ հերթական անգամ շեշտեց, որ իր վրա կրակողը մտադրություն է ունեցել իրեն սպանել, այլ ոչ թե վախեցնել:

Հակառակը պնդեց մեղադրյալ  Պողոսյանը` նշելով, որ եթե սպանելու մտադրություն ունենար, մի քանի անգամ կկրակեր:

«Դուք հնարավոր է` սպանել չեք ցանկացել, բայց արել եք մի բան, որն անում են միայն սպանել ցանկացողները»,- հակադարձեց Հայրիկյանը` ամբաստանյալին վստահեցնելով, որ նրա բախտը բերել է, որ սպանության  փորձ է ստացվել:

«Աֆղանստան կռված տղեն չէր կարա 60 սմ-ից վրիպեր»,- տեղից ակնարկեց մեղադրյալը:

Պարույր Հայրիկյանը նաև հայտարարեց, որ իրեն ցանկացել են սպանել, քանի որ մտածել են, որ ինքը նախագահ կընտրվի, և Հայաստանը կարգին երկիր կդառնա:

Մանրամասները` տեսանյութում: