Ապրիլի 25-ին Էրդողանը կլինի Ադրբեջանում

Թուրքիայի նախագահ Ռեջեփ Թայիփ Էրդողանն ապրիլի 25-26-ը ընկած ժամանակահատվածում կլինի Ադրբեջանում՝ երկրի նախագահ Իլհամ Ալիևի հետ  մասնակցելու ՄԱԿ-ի «Քաղաքակրթությունների դաշինքի» 7-րդ  գլոբալ ֆորումին:

«Հանդիպման ընթացքում կքննարկվեն նաև Ադրբեջանի ու Հայաստանի միջև լարվածությունն ու տարածաշրջանային այլ թեմաներ»,- գրել է Aksam թերթը:

Բացի այդ՝ Էրդողանն ու Իլհամ Ալիևը կքննարկեն Տրանսանատոլիական գազատարի (TANAP) նախագծի հետ կապված հարցեր, ինչպես նաև մի շարք էներգետիկ խնդիրներ:

Էրդողանը Ադրբեջանից կմեկնի Խորվաթիա, որտեղ ապրիլի 26-27-ը մայրաքաղաք Զագրեբում կմասնակցի թուրք և խորվաթ գործարարների ֆորումին: