ԲՀԿ-ական պատգամավորը նախկին կուսակցականին «պեդերաստ» անվանեց

Հայ մարդուն հարիր չէ հայ կնոջը, մորը, քրոջը, ինչ-որ գործընթացների հետ կապված, անհիմն, անհարկի անձնական վիրավորանք հասցնելը, նման մարդկանց անվանում են պեդերաստ, հայ իրականության մեջ հայ մարդուն հարիր չէ նման բառի արժանանալը. այսօր լրագրողների հետ զրույցում ասաց ԲՀԿ-ական պատգամավոր Լյովա Խաչատրյանը` անդրադառնալով նախկին նախարար, վերջերս ԲՀԿ շարքերը լքած Գևորգ Պետրոսյանի հայտարարություններին:

Հիշեցնենք, որ Պետրոսյանը պնդում է, որ իրեն կուսակցությունից հեռացնելու որոշումն անօրինական է: Նրա խոսքով`Նաիրա Զոհրաբյանն ուղղակի քանդում է կուսակցությունը: «Նա ասելիք չունի ո\'չ համագումարում, ո\'չ էլ քաղաքական խորհրդի նիստում: Զոհրաբյանին պարզապես հակացուցված է քաղաքականությամբ զբաղվելը»,- ասել էր նա:

Խոսելով ԲՀԿ-ում տեղի ունեցող գործընթացների մասին` Խաչատրյանը հայտնեց, որ ներկայումս կուսակցությունում մոնիթորինգ է ընթանում: «Ըստ ունեցած ֆինանսական հնարավորությունների ՝ կուսակցական կառույցներ, որոշակի գրասենյակներ կփակվեն, որոնք պահելն օպտիմալ չէ: Ոմանք գուցե հեռանան կուսակցությունից»,- ասաց նա՝ նշելով, որ մեկ ամիս անց իրենք կամփոփեն կատարած աշխատանքները: