Ինքնասպանություններ են կանխվել

Մարտի 9-ին, ժամը 20.53-ին ահազանգ է ստացվել, որ Արագածոտնի մարզի Աշտարակի կամրջից քաղաքացին (մոտ 40 տ.) փորձում է ինքնասպանություն գործել՝ նետվելով ցած: 

Դեպքի վայր է մեկնել ՄՃԿԿ օպերատիվ խումբը:

Փրկարարները կանխել են ինքնասպանության փորձը:

Ինքնասպանության փորձ գործած Հ. Կ.-ին (1973 թ. ծնված) հանձնել են ոստիկանության աշխատակիցներին: 

***

Մարտի 9-ին, ժամը 19.23-ին տեղեկատվություն է ստացվել, որ Արարատի մարզի Մասիս քաղաքի 4-րդ փողոցի տներից մեկի բնակիչը սպառնում է ինքնասպան լինել՝ կախվելու միջոցով. անհրաժեշտ է փրկարարների օգնությունը:

Կանչի վայր է մեկնել ՀՓՋ-ի օպերատիվ խումբը:

Փրկարարները կանխել են 1984 թ. Գ. Դ.-ի ինքնասպանության փորձը: