Տիգրան Սարգսյանն Աստանայում հանդիպել է Նուրսուլթան Նազարբաևի հետ

Եվրասիական տնտեսական հանձնաժողովի կոլեգիայի նախագահ Տիգրան Սարգսյանը փետրվարի 25-ին հանդիպել է Ղազախստանի նախագահ Նուրսուլթան Նազարբաևի հետ: Այդ մասին հայտնում է ԵՏՀ-ի կայքը:

Հանդիպման ընթացքում քննարկվել են ԵՏՄ-ի ընթացիկ զարգացման, երրորդ երկրներին հետ տնտեսական հարաբերությունների խորացման հարցեր,  ինչպես նաև, համաշխարհային շուկաներում առկա իրողություններով պայմանավորված, ԵՏՄ անդամ երկրերի համագործակցության ընդհանուր ռազմավարությանն առնչվող հիմնահարցեր:

Նազարբաևն ընդգծել է, որ ճգնաժամերը ժամանակավոր երևույթներ են, մինչդեռ ԵՏՄ անդամ երկրների ընդհանուր ներուժը` մնայուն:

Սարգսյանը հայտնել է, որ ԵՏՄ կոլեգիային հանձնարարվել է ուսումնասիրել Ղազախստանի նախագահի` անդամ երկրների ղեկավարներին հղված ուղերձը: Իսկ դրանում առկա առաջարկների իրականացման համար կազմվել է համապատասխան ծրագիր:

Մանրամասները՝ ԵՏՀ-ի կայքում