Անիմաստ կլինի հրաժարական տալ, քանի որ մեկ այլ ժամանակավոր մարզիչ կգա. Սարգիս Հովսեփյան

Ֆուտբոլի Հայաստանի ազգային հավաքականն այսօր Հանրապետական մարզադաշտում բաց մարզում անցկացրեց, որից առաջ հավաքականի գլխավոր մարզչի ժամանակավոր պաշտոնակատար Սարգիս Հովսեփյանը պատասխանեց լրագրողների հարցերին:

-Սերբիայի հետ խաղում Մխիթարյանը գործում էր հենակետայինի դիրքում: Ավելի օգտակար չէ՞ր գործի նա եթե խաղար առջևի գծում:

 -Գտնում եմ, որ Մխիթարյանն այդ դիրքում ավելի շատ է օգնում մեր հավաքականին քանի որ կարողանում է սուր փոխանցումներ կատարել առջևի գծի խաղացողներին: Եթե ունենայինք 3-Հենրիխ Մխիթարյան ապա ավելի արդյունավետ ֆուտբոլ կխաղայինք:

-Նշել էիք, որ ֆուտբոլիստները խաղադաշտում չեն կատարում ձեր հրահանգները: Կոնկրետ ո՞ր ֆուտբոլիստների մասին է խոսքը և ի՞նչ փոփոխություններ են սպասվում հավաքականում:

-Անուններ չեմ տա, քանի որ դրանք թիմի ներքին խոհանոցի հարցրեր են: Ես չեմ ասել որ չեն կատարում իմ հրահանգները, պարզապես նրանց խաղը չի ստացվել: Առաջին խաղակեսում տղաները համեմատաբար լավ խաղացին: Փորձելու ենք լրացնել բացերը: Ամբողջ թիմն է պարտվել:

-Հավաքականը երկար ժամանակ է հաղթանակ չի տոնել: Ի՞նչպես եք մոտիվացնելու  ֆուտբոլիստներին:

-Մենք բոլորս հաղթանակի ծարավ ենք: Սեփական երկրպագուների աջակցությամբ խաղալը լավագույն մոտիվացիան է:

- Դանիային պարտվելու դեպքում   հրաժարական կտա՞ք:

-Ես ժամանակավոր մարզիչ եմ, անիմաստ կլինի հրաժարական տալ, քանի որ մեկ այլ ժամանակավոր մարզիչ կգա: