Շարմազանովը վստահեցնում է` Մարզահամերգայինում կազինո չի կառուցվելու

«Ես՝ որպես Էդուարդ Շարմազանով, հայտարարում եմ, որ Մարզահամերգայինում կազինո չի լինելու և չի կարող լինել»,- լրագրողների հարցին ի պատասխան այսօր ՀՀԿ ԳՄ նիստից հետո հայտարարեց ԱԺ փոխնախագահ Էդուարդ Շարմազանովը:

«Որպես երևանցի  հասկանում եմ, որ երևանցիները, հասարակությունը կարող է անհանգստանալ այդ կառույցի ապագայի համար, քանի որ այն շատ թանկ է յուրաքանչյուր երևանցու ու հայաստանցու համար:Սակայն այդ անհանգստությունն ու որոշ մտավորականների, մասնագետների շահարկումները պայմանավորված են  տեղեկատվության որոշակի պակասով»- ասաց Շարամազանովը:

ՀՀԿ մամուլի խոսնակը նաեւ տեղեկացրեց, որ ԳՄ նիստում քննարկվել են հիմնականում ներկուսակցական, ներքաղաքական հարցեր:

Արդարադատության նախարարի հարցը դարձյալ չի քննարկվել: