Ֆինանսների նախարարը կազինո չի գնում, միայն «դուռակի» խաղալ գիտի

Ինչ ասվել, արդեն ասվել է: Այսպես արձագանքեց ՀՀ ֆինանսների նախարար Դավիթ Սարգսյանը՝ պատասխանելով լրագրողների այն հարցին՝ ինչպե՞ս կմեկնաբանի իր երեկվա ելույթին ԲՀԿ-ական պատգամավորների սուր հակադարձումները: Նա նշեց, որ ԲՀԿ-ականների հակադարձումներին ավելացնելու, ասելու որևէ բան չունի:

Հիշեցնենք, որ երեկ ֆինանսների նախարարը քննադատել է «Բարգավաճ Հայաստան» կուսակցությանը՝ անդրադառնալով ԲՀԿ առաջնորդ Գագիկ Ծառուկյանի խաղատների բիզնեսին:

Հարցին՝ ի՞նքը չի գնում կազինոներ, նախարարը պատասխանեց, որ երբեք չի հաճախել ո'չ ամենաթանկ, ո'չ անգամ ամենաէժան կազինոները: «Թղթախաղ էլ չեմ խաղում, միայն «դուռակի»,- ասաց նախարարը: