Նելլի Դուրյանը Բաղրամյան պողոտայում անչափահասների էր փնտրում

Այսօր Բաղրամյան պողոտա էր այցելել Հայաստանի Հանրապետության ոստիկանության քրեական հետախուզության  երրորդ վարչության պետի տեղակալ, անչափահասների գծով բաժնի պետ, ոստիկանության Նելլի Դուրյանը: Նա ցուցարարների շարքում անչափահասների էր փնտրում: Նա զրուցեց անչափահաս ցուցարարների հետ` ճշտելով քանի օր են էնտեղ, ինչ պայմաններում են մնում, արդյոք ծնողների հետ են, թե մենակ:

Լրագրողները Նելլի Դուրյանին հարցրին` որտեղ էիք հունիսի 23-ին, երբ ջրցան մեքենաները ջրում էին այդ երեխաներին: Նելլի Դուրյանը զարմացավ. «Այդ օրը ժամը վեցին երեխաներ կայի՞ն»: Լրագրողները հայտարարեցին` այո: «Դե դրա ահմար այսօր եկել եմ այստեղ, որ հանկարծ նման բան չլինի»:  

Նելլի Դուրյանը կոչ արեց ծնողներին երեխաներին չբերել Բաղրամյան պողոտա, որովհետեւ «ամեն ինչ կարող է լինել»: