Զախարյանը չգիտի, թե ինչ միջոցներով է սուբսիդավորվելու էլեկտրաէներգիայի սակագինը

Էներգետիկայի նախարար Երվանդ Զախարյանից այսօր լրագրողները հետաքրքրվեցին, թե որքան կտևի աուդիտը ՀԷՑ-ում, սակայն նա չկարողացավ պատասխանել: «Չգիտեմ»,- ասաց նախարարը և խնդրեց լրագրողներին իրեն հանգիստ թողնել:

Լրագրողները պնդեցին` արդյո՞ք աուդիտից հետո ՀԷՑ-ի ղեկավարությունը կպատժվի, Զախարյանը ժպտաց և կրկին չպատասխանեց:

Խոսելով սակագնի փոխհատուցման աղբյուրների մասին` նախարարը նշեց, որ ինքը տեղյակ չէ. «Ես կոնկրետ աղբյուրի մասին չեմ կարող ասել, քանի որ ինքս տեղյակ չեմ»:

Հարցին, թե վարչապետի հետ չի՞ քննարկվել վճարման աղբյուրը, Զախարյանը պատասխանեց` դեռ ոչ, բայց կքննարկեն:

Խոսելով ՀԷՑ-ի ազգայնացման մասին` նախարարը նշեց, որ այդ քննարկումները տեղի կունենան աուդիտից հետո: