Ո՞ւր նստի Աշոտյանը. քննարկում` պոլիտեխնիկում

ՀՊՃՀ-ում ռեկտորի ընտրություններ են: Yerkir.am-ի թղթակիցը տեղեկացնում է, որ դասախոսներից մեկը ՀՊՃՀ հոգաբարձուների խորհրդի նախագահ Սամվել Նիկոյանին առաջարկեց, որ հոգաբարձուների խորհրդի անդամ, ՀՀ ԿԳ նախարար Արմեն Աշոտյանը նստի ոչ թե Նիկոյանի կողքին, այլ դասախոսների շարքում:

«Այդպիսով` նա ճնշում է գործադրում և\' մեզ, և\' ձեզ վրա: Պարո\'ն Աշոտյան, դրանից Ձեր պաշտոնը չի իջնում, մենք Ձեզ հարգում ենք` որպես նախարար, և ընդունում ենք»,- ասաց նա:

Սամվել Նիկոյանն էլ, իր հերթին դիմելով դասախոսին, ասաց. «Դուք լավ էլ գիտեք` ոչ ես եմ ճնշվողը, ոչ էլ դուք: Ես եմ որոշել, որ նախարարը նստի այստեղ, ինչպես նախորդ բոլոր նիստերին, և դա քննարկման ենթակա չէ»: