Ամենասկանդալային մարզպետը. Սուրիկ Խաչատրյանը՝ ռուսական մամուլի էջերում

Հայտնի է, որ երեկ երեկոյան անհայտ անձինք Սյունիքի մարզի Կապան-Գորիս ավտոճանապարհին կրակոցներ են արձակել Սյունիքի մարզպետ Սուրիկ Խաչատրյանի «Lexus» մակնիշի ավտոմեքենայի ուղղությամբ: 

Ռուսական մի շարք առաջատար ԶԼՄ-ներ՝ Газета.ру, Космосмольская правда, Интерфакс, Росбалт և այլն, անդրադարձել են կատարվածին: Ռուսական РЕГНУМ գործակալությունը մասնավորապես հիշեցրել է նաև Սուրիկ Խաչատրյանի որդու մասնակցությամբ ծեծկռտուքի, ինչպես նաև անցյալ տարի մարզպետի տան մոտ կատարված սպանության մասին:

«Սուրիկ Խաչատրյանը Հայաստանի նորագույն պատմության ամենահայտնի սկանդալային մարզպետերից է»,- գրում է գործակալությունը: