ԲՀԿ-ն մարազմով չի տառապում. Նաիրա Զոհրաբյան

Այսօր ԱԺ քառօրյայում, երբ քննարկվում էր դատական համակարգի հաշտարարի ինստիտուտի ստեղծման հարցը, ԱԺ ՀԱԿ խմբակցության պատգամավոր Գագիկ Ջհանգիրյանը նշեց, որ կողմ է այդ գաղափարին, անգամ` կարող է ասել, որ ավելի շուտ պետք է ներդնեին այդ ինստիտուտը:

«Միշտ չէ, որ իշխանության առաջ քաշած օրինագծերին պետք է դեմ քվեարկել, որովհետև սա դրական առաջարկություն է»,- ասաց նա:

ԱԺ ԲՀԿ խմբակցության ղեկավար Նաիրա Զոհրաբյանը ևս նշեց, որ համակարծիք է Գագիկ Ջհանգիրյանի հետ, որ ամեն ինչին չէ, որ ներկայացնում է իշխանությունը, պետք է իմպերատիվ կերպով դեմ լինել, միայն այն բանի համար, որ ընդդիմադիր քաղաքական ուժ ես:

«ԲՀԿ-ն նման մարազմով չի տառապում, մենք չենք դառնա զոհը այն կեղծ մտայնության, որ եթե իշխանության այս կամ այն առաջարկը պաշտպանենք, հանկարծ մեր ընտրազանգվածը մեզ սխալ կհասկանա: Ինչը որ լավ է, մենք պատրաստ ենք պաշտպանել»,- ասաց Նաիրա Զոհրաբյանը՝ հավելելով, որ ինքը, այնուամենայնիվ, մտահոգություն ունի, որ դա կհանգեցնի հաշտարարական «ատկատների» մեխանիզմի ձևավորմանը: